Festojmë Ditën e Njerëzve të Shkurtër

Sipas Organizatës Kombëtare të Bullgarëve të Vegjël, në Bullgari jetojnë rreth 450 persona me shtat të shkurtër, të rritur dhe fëmijë. Sipas kryetarit të organizatës, Svetosllav Çernev, qasja në mjedisin urban dhe në transportin publik është pa ndryshim në mesin e problemeve të njerëzve me shtat të shkurtër. Në këtë drejtim nevojitet më shumë tolerancë ndaj personave që kanë vështirësi në lëvizje dhe kalim në rrugë. Ata trajtohen me mirëkuptimin më të madh në Burgas, ku mjedisi urban është përshtatur për njerëzit e vegjël. Sa i përket kujdesit mjekësor, njerëzit me shtat të shkurtër në Bullgari janë mirënjohës ndaj ekipeve të Akademisë Mjekësore Ushtarake në Sofje për ndihmën e paçmuar mjekësore që ofrojnë. Për ekzaminimet më specifike apo për materialet konsumuese, ka ende shumë për të dëshiruar - shpeshherë merren refuzime nga Fondi i Sigurimeve Shëndetësore dhe më pas kërkohen mundësi të tjera.