Motrat Stoevi fituan në dyshe në një turne të badmintonit në Holandë

Stefani Stoeva dhe Gabriella Stoeva fituan titullin në dyshe për femra në turneun ndërkombëtar të badmintonit të serisë “International Challenge” në Hertogenbosch – Holandë. Motrat, të cilat janë të pestat në Lojërat Olimpike të Parisit 2024 dhe janë numër 1 në skemën kryesore, mposhtën britaniket Chloe Birch dhe Estelle Van Leeuwen në finale me 21:15, 21:18 në 43 minuta. Kështu Bullgaria e mbyll garën me dy çmime, pasi Stefani Stoeva fitoi medaljen e bronztë në teke. Trajnerja e motrave është Petja Nedellçeva-Hranova, sportistja më e dekoruar bullgare në këtë sport. Në turne morën pjesë edhe katër bullgare të tjera - Kallojana Nallbantova, Hristomira Popovska, Mihaella Çepisheva dhe Cvetina Popivanova, të cilat arritën në çerekfinale.