KQZ saktësoi se partisë “Veliçie” nuk i mjaftuan 21 vota për të hyrë në parlament

21 vota nuk i arritën partisë “Veliçie” për të hyrë në parlamentin e ri. Kështu ka deklaruar kryetarja e Komisionit Qendror të Zgjedhjeve (KQZ), Rosica Mateva.

“Në KQZ fletëvotimet nuk numërohen, ato numërohen nga komisionet seksionale zgjedhore, të cilat plotësojnë protokollet. Këto janë të dhënat zyrtare që ata dorëzojnë. Në bazë të këtyre të dhënave ne i shpallëm rezultatet. Ne nuk numërojmë, ne kontrollojmë atje ku ka mospërputhje”, shpjegoi Mateva për bTV.

Ajo theksoi se KQZ-ja nuk i shikon video incizimet dhe nuk mundet në bazë të video-regjistrimeve të eliminojë mospërputhjet.

Ne garantojmë që çdo votë e zgjedhësit bullgar, ashtu siç është shënuar në protokolle, është regjistruar, tha Mateva dhe saktësoi se nuk mund të ketë rinumërim nëse nuk ndryshohet Kodi Zgjedhor.