Presidenti Rumen Radev: Kushdo që i shërben popullit të tij me përulësi mund të quhet iluminist i popullit

Iluminizmi është një kategori shpirtërore unike, gjithëbullgare - një fjalë që ka mbledhur në vetvete mençurinë dhe forcën shpirtërore të popullit tonë, përpjekjet shekullore për përparim dhe liri, tha Presidenti Rumen Radev në një ceremoni me rastin e Ditës së Iluministëve të Popullit. Sipas fjalëve të tij, iluministi nuk është gjithmonë një person i punës intelektuale dhe mund të jetë kushdo që me fjalët dhe veprat e tij u sjell ndriçim të tjerëve dhe i shërben popullit të tij me përulësi.

Kreu i shtetit falënderoi përfaqësuesit e artit dhe spiritualitetit, mësuesit dhe pedagogët e përkushtuar në misionin fisnik të zgjimit të popullit.

Më herët para ndërtesës së institucionit presidencial u ngrit flamuri kombëtar dhe Rumen Radev pranoi Gardën Kombëtare.

Në ceremoninë me rastin e festës morën pjesë kryetarja e Kuvendit Popullor Raja Nazarjan, ushtruesi i detyrës së kryeministrit Dimitër Gllavçev, patriarku Daniil, kryetari i Bashkisë së Sofjes Vasill Terziev, përfaqësues të institucioneve shtetërore dhe qarqeve akademike. Të gjithë ata u përshëndetën nga fëmijët e Kopshtit të Fëmijëve Nr. 124 “Bërborino”.