Instituti për Ekonominë e Tregut bën thirrje për një deficit buxhetor nën 3%

Ne po shkojmë drejt opsionit që të mos kemi një buxhet të miratuar shpejt për vitin 2025, tha për BNR Llëçezar Bogdanov, kryeekonomist nga Instituti për Ekonominë e Tregut. Gjatë prezantimit të opsionit alternativ të institutit për buxhetin e shtetit, studiuesi tha se kufiri prej 3% është i lartë.

Kur ke rritje të të ardhurave tatimore mbi 12%, padyshim që ekonomia po ecën mirë. Problemi është në shpenzime. "Po vendosen më shumë bomba për rritjen e shpenzimeve edhe në 2025. Nuk bëhet fjalë për shkurtim, por për frenim të rritjes," tha ekonomisti, duke kërkuar që ambiciet për pagat, shpenzimet aktuale dhe programet sociale të përputhen me mjedisin makroekonomik. Ai u shpreh edhe kundër rritjes së taksave për paguesit e rregullt dhe u bëri thirrje autoriteteve që të mbledhin sa më shumë taksa nga të gjithë tatimpaguesit.