Shkencëtarët diskutojnë historinë dhe perspektivat e Krahinave Perëndimore

Instituti për Studime Historike pranë Akademisë Bullgare të Shkencave organizon sot konferencën shkencore me temë "Krahinat Perëndimore Bullgare - histori dhe perspektiva" me rastin e 100 vjetorit të Kongresit Themelues të Organizatës së Refugjatëve nga Krahinat Perëndimore Bullgare (rajonet kufitare juglindore të Serbisë me popullsi bullgare) .

Në forum, së bashku me temën kryesore, do të diskutohen çështje që kanë të bëjnë me të kaluarën e komunitetit bullgar brenda kufijve të Republikës së sotme të Serbisë. Me kremtimin e njëqindvjetorit do të nderohet edhe 8 nëntori - Dita e Krahinave Perëndimore Bullgare.