PP-DB ka paraqitur dy ankesa në Gjykatën Kushtetuese për të kontestuar zgjedhjet

“Po e vazhdojmë ndryshimin – Bullgaria Demokratike” (PP-DB) ka paraqitur dy ankesa në Gjykatën Kushtetuese lidhur me zhvillimin e zgjedhjeve parlamentare më 27 tetor të këtij viti. Në të parën insistohet që vota të numërohet plotësisht dhe në të dytën – këmbëngulet për një rinumërim dhe rillogaritje të rezultateve për shkak të shkeljeve të përmendura në më shumë se 3 mijë prej seksioneve zgjedhore.

Në ankesën e koalicionit tregohen seksione në të cilat ka shtime në protokolle pas përfundimit të formimit të tyre; seksione që kanë një përqindje jashtëzakonisht të lartë të votave të pavlefshme; seksione në të cilat ka dallim ndërmjet nënshkrimeve të vendosura në listat zgjedhore dhe numrit të personave që kanë votuar me fletëvotim në letër dhe me makinë.