Atanas Zaprjanov: Tetë avionët e parë F-16 do të mbërrijnë vitin e ardhshëm

Vitin e ardhshëm vendi ynë do të marrë tetë avionët e parë F-16 Block 70 nga gjithsej gjashtëmbëdhjetë të rëna dakord, njoftoi në Dollna Mitropolija ushtruesi i detyrës së ministrit të mbrojtjes Atanas Zaprjanov. Dy avionët e parë do të mbërrijnë në fund të marsit, dhe gjashtë të tjerët në fund të tremujorit të tretë.
Ministri shprehu shpresën se do të ketë mjaft pilotë të trajnuar kur të dorëzohen tetë avionët e parë.

“Ne duhet të jemi gati për të filluar trajnimin e njerëzve për përdorimin e F-16. Të gjithë pilotët që janë planifikuar janë dërguar për trajnim. Disa nuk ia dolën dhe u kthyen, përgatitja e tyre vazhdon. Tashmë kemi përgatitur një pilot për instruktor”, tha Atanas Zaprjanov. Ai theksoi edhe rëndësinë e infrastrukturës, e cila, sipas tij, është një sfidë e madhe.

Ministri i mbrojtjes vizitoi Shkollën e Lartë të Forcave Ajrore “Georgi Benkovski”, ku u hap një sistem i realitetit të shtuar virtual, i cili mundëson studimin e avionit F-16 Block 70 në një shkallë reale.