Prokuroria Evropiane kreu kontrolle në katër qytete për mashtrim të dyshuar me fonde evropiane

Në vitin 2017 u zhvillua një prokurim publik për restaurimin e afreskeve dhe detajeve arkitekturore të një tempulli të shekullit të XII-të, i cilësuar si monument historik dhe kulturor. Projekti financohet nga Programi i Bashkëpunimit Ndërkufitar INTERREG IPA të BE-së. Sipas hetimit, kompania fituese nënkontraktoi punën me një firmë tjetër, e cila nga ana e saj angazhoi një nënkontraktor tjetër për të kryer restaurimin. Kompania e parë mori 198 mijë euro, nga të cilat 70 mijë u pagoi dy nënkontraktorëve, ndërsa 128 mijë të mbetura i mbajti për veten pa kryer asnjë aktivitet dhe në dëm të interesave financiare të Bashkimit Evropian. Nuk është i qartë as emri i kishës së përfshirë në projekt, as qyteti ku ndodhet.