Përpjekja e pestë për zgjedhjen e kryetarit të Kuvendit Popullor dështoi

Përpjekja e pestë radhazi e deputetëve për të zgjedhur një kryetar të Kuvendit Popullor nuk solli rezultat. Në votim u vunë katër kandidatë - Natalija Kiselova nga "BSP-E majta e bashkuar", Petër Petrov nga "Vëzrazhdane", Raja Nazarjan nga GERB dhe Sillvi Kirillov nga ITN. Sillvi Kirillov nga "Ka një popull të tillë" dhe Raja Nazarjan - GERB-SDS shkuan përsëri në balotazh. Kirillov mori mbështetje nga 101 vota, 99 ishin "kundër". 68 deputetë votuan "pro" Nazarjan, dhe 150 votuan "kundër".

Prova e gjashtë për zgjedhjen e kryetarit të Kuvendit Popullor do të bëhet ditën e mërkurë, më 27 nëntor, kur do të vazhdojë seanca e parë e parlamentit, e cila filloi më 11 nëntor.

Një prej shkaqeve për zgjedhjen e vështirë të kryetarit të parlamentit është mundësia e krijuar nga ndryshimet e fundit kushtetuese, që kryetari i parlamentit të bëhet kryeministër i përkohshëm nëse parlamenti nuk arrin të formojë një kabinet të rregullt. Detyrat e qeverisë së përkohshme përfshijnë organizimin e zgjedhjeve të parakohshme.