Bullgaria nuk pret ulje të presionit të migracionit nga Lindja e Mesme

Qëndrimi i Bullgarisë për Sirinë mbetet i pandryshuar, ne vazhdojmë të mbështesim sovranitetin, pavarësinë dhe integritetin territorial të vendit. Kështu deklaroi ministri i jashtëm në detyrë Ivan Kondov para Kuvendit Popullor. Ne bëjmë thirrje për mbrojtjen e civilëve dhe respektimin e ligjit ndërkombëtar, tha Kondov dhe vuri në dukje se diplomatët bullgarë nga ambasada bullgare në Damask janë evakuuar në Bejrut. Ai tha se nuk pritet rritje e migracionit dhe beson se ndryshimi i regjimit në Damask do të ndryshojë procesin dhe do të kthejë sirianët në atdheun e tyre. Por presioni migrator nga Lindja e Mesme nuk do të ulet, theksoi Kondov dhe shtoi se proceset atje vazhdojnë të jenë shkatërruese.

Për momentin nuk vërehet asnjë ndryshim në mjedisin e sigurisë përgjatë kufirit dhe në brendësi të vendit, tha para Kuvendit ushtruesi i detyrës së ministrit të brendshëm, Atanas Illkov.