Universiteti i Ruses mirëpret studentët e huaj me një program të pasur kulturor

Universiteti i Ruses organizon një sërë aktivitetesh drejtuar studentëve të huaj që studiojnë në të. Qëllimi i nismës është që të rinjtë të njihen me traditat, kulturën, historinë dhe zakonet bullgare, si dhe t'i bashkohen procesit arsimor dhe jetës shoqërore në Bullgari. Do të marrin pjesë jo vetëm studentët e huaj që studiojnë në Universitetin e Ruses, por edhe kolegët e tyre nga Shkolla e Lartë e Telekomunikacionit dhe Postës në Sofje, Universiteti i Mjekësisë në Pleven dhe Universiteti Teknik në Varna.

Programi nisi më 12 dhjetor me "Mbrëmjen e studentëve të huaj" dhe një njohje me qytetin e Ruses dhe Universitetin e Ruse, si dhe një prezantim të vendeve të ndryshme nga vijnë pjesëmarrësit. Gjithashtu është planifikuar një program kulturo-historik me prezantim të historisë dhe kulturës bullgare në Muzeun Historik të Ruses. Nxënësit e shkollës "Konstantin-Kirill Filozof" do të prezantojnë ritualin "Koleduvane" (këndime këngësh kushtuar Krishtlindjeve shtëpi më shtëpi në ditën e Krishtlindjeve), do të ketë edhe demonstrim të valleve dhe zakoneve bullgare. Pjesëmarrësit do të kenë gjithashtu mundësinë të bëjnë suvenire vetë në punëtoritë kreative.