Një udhëtim me Plakun e Krishtlindjeve dhe Borëbardhën – magjia dimërore me trenin e Rodopeve me binarë të ngushtë

Këtë vit, udhëtimi tradicional i Krishtlindjeve me trenin e Rodopeve me binarë të ngushtë do të zhvillohet më 22 dhjetor, tha për BNR-Bllagoevgrad, Kristijan Vaklinov, themelues dhe kryetar i shoqatës "Treni i Rodopeve me binarë të ngushtë". Gjatë udhëtimit katërorësh, Plaku i Krishtlindjeve dhe Borëbardha do të kënaqin pasagjerët me dhurata.

Itinerari përfshin një orë qëndrim në stacionin e Dobrinishtes, ku do të organizohet një program i veçantë festiv.

Për Kristijan Vaklinov, udhëtimi me rastin e Krishtlindjeve është një nga nismat më të këndshme të shoqatës. "Jo vetëm për shkak të frymës së Krishtlindjes, por edhe për shkak të fëmijëve, të cilët me praninë e tyre mbushin vagonët me të qeshura, mirësi dhe pastërti. Nuk ka se si të mos e vazhdojmë këtë traditë", thotë Vaklinov. Ai shprehu mirënjohjen e tij për Hekurudhat Shtetërore Bullgare për dhuratat për të gjithë fëmijët që udhëtojnë në trenin "Rodopet".

Linja unike hekurudhore  lidh qytetet Septemvri dhe Dobrinishte, duke kaluar përmes peizazheve piktoreske të malit Rodope. Është e njohur për kthesat e saj të pjerrëta që ofrojnë pamje spektakolare drejt majave malore dhe lumenjve.

Mund të mësoni më shumë për trenin me binarë të ngushtë të Rodopeve nga materialet në koleksionin e Radio Bullgarisë:

• Treni bullgar me binarë të ngushtë u kthye në “një galeri mbi rrota” për Krishtlindjet

• Në Ditën e Shën Gjergjit në Jakorudë – një udhëtim romantik me tren

Përpiloi: Veneta Nikollova

Foto: Shoqata "Për trenin me binarë të ngushtë", Facebook/ "Treni i Rodopeve me binarë të ngushtë"

Përgatiti në shqip dhe publikoi: Vesella Mançeva