Nuk ka asnjë kërcënim për bregdetin bullgar nga derdhja ruse e naftës pranë Kerçit

Në çdo rast, ne po flasim për një eko-katastrofë. Pyetja është nëse do të jetë vendas, rajonal apo ndërkombëtar, komentoi për BNR ish-ministri i ekologjisë Borisllav Sandov pas incidentit me dy cisterna ruse të naftës përballë ngushticës së Kerçit. "Bëhet fjalë për 9 mijë ton mazut. Kjo domosdo çon në një fund fatal për krustacet dhe organizmat më të vegjël në Detin e Zi", tha eksperti dhe saktësoi se për shkak të stinës, zogjtë do të jenë më pak të prekshëm. Një pjesë e këtij karburanti do të derdhet edhe në bregdet. Duke pasur parasysh meteorologjinë dhe distancën - në Detin e Zi, ku ka dy rryma rrethore, rrymat detare nuk duhet të sjellin një pjesë të derdhjeve në Bullgari, shpjegoi Sandov. Ai e cilësoi mundësinë për këtë si zero, por theksoi se pas disa muajsh mund të shfaqen “globula nafte” në zonën tonë. Bullgaria nuk është në rrezik, mendon Borisllav Sandov.