Protesta kundër procedurës për zgjedhjen e Prokurorit të Përgjithshëm në Sofje

Nisma “Drejtësia për të gjithë” organizon mbrëmjen e sotme një protestë me fenerë para gjykatës në Sofje kundër procedurave për zgjedhjen e Prokurorit të Përgjithshëm dhe Kryetarit të Gjykatës së Lartë Administrative, të zhvilluar nga Këshilli i Lartë Gjyqësor me një mandat të skaduar. Më 17 dhjetor, iniciativa u bëri thirrje deputetëve, duke përjashtuar ata nga DPS - Fillimi i Ri i Deljan Peevskit, që të shpejtojnë me miratimin e ndryshimeve në Ligjin për Gjyqësorin për të ndërprerë procedurat për zgjedhjen e dy pozitave.

I vetmi nominim për prokuror nr. 1 është ai i ushtruesit të detyrës së Prokurorit të Përgjithshëm Borisllav Sarafov, kujton gazetarja e BNR, Sillvija Velikova. Në qëndrimin e tyre, iniciativa kritikon Sarafov për "kthimin e prokurorisë në kohën kur proceset politike i shërbenin pushtetit autoritar, gjë që vë në rrezik sundimin e ligjit dhe demokracinë".