Dëbora e madhe ka mbuluar Vitoshën, rrugët në mal nuk janë të pastruara

Hapja e sezonit të skive në Vitosha – mali rrëzë të cilit ndodhet kryeqyteti bullgar Sofje – ishte planifikuar për sot, por qarkullimi në rrugët malore për momentin është i pamundur për shkak të borës së madhe. Borëpastruesit po pastrojnë borën që bie vazhdimisht. Mbulesa e borës është 1 metër.

Kur kushtet e lejojnë do të fillojnë së funksionuari teleferikët "Vitoshko Llale 1" dhe "Vitoshko Llale 2", "Meça Poljana", "Uçebna Pista" dhe "Vitosha Snowpark". Deri më 30 dhjetor objektet do të funksionojnë çdo ditë nga ora 9:00 deri në orën 16:00, pas së cilës do të rihapen më 2 janar dhe do të funksionojnë pa ditë pushimi deri në fund të sezonit në kushte të favorshme atmosferike, tha “Vitosha Ski”.

Aktualisht qarkullimi në rrugët e Vitoshës është i vështirësuar. Borëpastruesit po pastrojnë borën që bie vazhdimisht. Mbulesa e borës është 1 metër.
Pas Vitit të Ri është planifikuar që edhe pista “Vitoshko Llale” të jetë e hapur për ski në mbrëmje nga e mërkura deri të shtunën.

Këtë sezon, Vitosha do të presë edhe raundin final të Kupës Evropiane të Snowboard FIS në disiplinën freestyle rails. Aktiviteti do të mbahet në datat 23-24 mars në zonën “Meça Poljana”.