11.3% më shumë bullgarë udhëtuan jashtë vendit në nëntor

Bullgarët që udhëtuan jashtë vendit në nëntor të këtij viti u rritën me 11.3% krahasuar me të njëjtin muaj të 2023-ës, njofton Instituti Kombëtar i Statistikave. Jashtë vendit ishin 638 600 bashkatdhetarë. Shumica prej tyre – 193 200 - vizituan Turqinë. Ndër vendet e preferuara ishin gjithashtu Greqia, Serbia, Rumania, Gjermania, Italia, Austria, Maqedonia e Veriut, Mbretëria e Bashkuar dhe Spanja. Numri më i madh i udhëtimeve ishte "për qëllime të tjera" - 48.3%, ndjekur nga "për qëllime pushimi dhe ekskursioni" - 28.5% dhe "për qëllime biznesi" - 23.2%.

Në të njëjtin muaj, vendin tonë e vizituan 711 900 të huaj, që është 2.5% më shumë se nëntori i kaluar. Prej tyre, 47.2% ishin shtetas të Bashkimit Evropian - 42.7% nga Rumania dhe 25% nga Greqia. Interesimin më të madh për vendin tonë shfaqën njerëz nga Turqia, Rumania, Greqia, Ukraina, Serbia, Maqedonia e Veriut, Gjermania, Italia, Polonia dhe Mbretëria e Bashkuar.