Si e festojnë bullgarët ditën e parë të vitit të ri 2025?

Bullgarët në mbarë vendin e presin vitin e ri 2025 me iniciativa të ndryshme.

Mbi 20 anëtarë të klubit të trajnerit të karatesë dhe jogës Emill Zllatev në Varna tradicionalisht kanë notuar më 1 janar në det. Ata ndanë se nuk sëmuren kurrë dhe ndihen energjikë gjatë gjithë vitit. Temperatura e ujit të detit sot është 9-10° dhe temperatura e ajrit është rreth 11°, njoftoi korrespondentja e BNR Daniella Stojnova.

Në Veliko Tërnovo, sot ata ndërmorën një shëtitje 15 kilometra në natyrë - nga kalaja "Carevec" deri në lartësitë e Tërnovos, njoftoi korrespondentja jonë Zdravka Masljankova.

Tradicionalisht, më 1 janar qindra banorë të Razllogut mblidhen në sheshin qendror për lojërat tradicionale, të njohura në qytet që nga e kaluara si "Starçevata". Burrë të maskuar, të ashtuquajturat “kukerë”, dalin në rrugë për të dërguar me zile dhe daulle të keqen.

Në Sofje, Kopshti Zoologjik punon pa ditë pushimi dhe mirëpret vizitorët edhe sot. Vitin e kaluar Kopshti ynë Zoologjik i Sofjes e llogarit si të mirë. Ndër shtesat e reja të tij janë një grup kolobusеsh bardh e zi me një foshnjë, i cili erdhi nga Hungaria dhe një hipopotam pigme nga Kroacia. Mes të porsalindurve në Kopshtin Zoologjik janë dy zebra, njëra prej të cilave shkoi në Greqi, foshnja majmun i llojit kapucin Bruno, që më vonë rezultoi se ishte Bruna dhe të tjerë.