Në Caribrod diskutuan ndryshimet që priten në Serbi

Ndryshimet “ndjehen në ajër”, studentët kthyen shpresën që e kishim humbur gjatë viteve dhe shoqëria duhet të normalizohet – këto janë mesazhet nga tribuna “Çfarë shoqërie aspirojmë”, e cila u zhvillua në sallën e Qendrës Kulturore në Caribrod njoftoi portali multimedial bullgar dhe serb FAR.

Dekanja e Fakultetit Filozofik në Nish Natalia Jovanoviç, doktori dhe kolumnisti Dejan Hristov, biznesmeni Bllagoj Vasov Baga, fermeri dhe muzikanti Aleksandër Vasov dhe avokati Millan Stavrov folën për çështjet se në çfarë shoqërie jetojmë tani, çfarë i shqetëson qytetarët, çfarë duhet ndryshuar, si të mos përsëriten disa gabime të së kaluarës dhe çfarë shoqërie duhet të kemi.

Profesoresha Jovanoviç, e cila ishte një nga dekanët e parë që mbështeti protestat e studentëve kundër korrupsionit në Serbi, tha: “Ndodhi gjëja normale. Fakultetin ua kam dorëzuar atyre që u takon, pra studentëve. 95% e stafit u nënshkruan në mbështetje të studentëve. Doli një brez studentësh që do të ndryshonin botën dhe që i dhanë kurajo edhe brezit tonë. Ndryshimi është në ajër, ndihet, nuk mund të fshihet. Këtë e di edhe ai që tani ka frikë”, tha dekanja e Fakultetit Filozofik.