Presidenti: Shteti duhet të garantojë kushtet për unitetin e Kishës Ortodokse Bullgare

Në një takim me Presidentin Rumen Radev, Shenjtëria e tij Patriarku bullgar Daniill e informoi atë për pasojat e vendimit përfundimtar të gjykatës për mundësinë e regjistrimit të një "kishe ortodokse" paralele. Gjatë bisedës Radev theksoi se Kisha Ortodokse Bullgare është një dhe e pandashme, ka qenë dhe do të mbetet një shtyllë shpirtërore në peripecitë e historisë sonë shekullore. Sipas tij, rreziqet për Kishën Ortodokse Bullgare duhet të shqyrtohen si një kërcënim për unitetin dhe sovranitetin tonë kombëtar, prandaj shteti përmes institucioneve të tij duhet të garantojë kushtet për unitetin e saj.

Patriarku bullgar theksoi se Kisha për nga natyra e saj hyjnore-njerëzore është një dhe sipas rregullave të saj të brendshme nuk mund të ketë dy kisha ortodokse në një territor kanonik. Sipas fjalëve të tij, me këtë unitet të saj ajo ka kontribuar për unitetin dhe ruajtjen e popullit tonë.