Treguan monumentin më të vjetër cirilik të ruajtur në Bullgari

Shumë qytetarë përfituan nga mundësia për të parë Dorëshkrimin Eninski dhe Triodin e Argirovit, të cilat u ekspozuan sot, më 20 janar, për dy orë në Bibliotekën Kombëtare “Shenjtor Kirill dhe Metodij”. Ngjarja u zhvillua me rastin e 1170 vjetorit të krijimit të alfabetit bullgar dhe letërsisë sllave. Dy dorëshkrimet ruhen në një regjim konstant temperaturë-lagështi, prandaj ekspozimi i tyre jashtë mjedisit të kontrolluar ishte shumë i shkurtër.

Triodi i dhuruar nga filologu Stojan Argirov daton nga fillimi i shekullit të XIII-të. Fragmenti prej 58 fletësh, i shkruar në pergamenë, përmban pjesë të librit liturgjik - Triod të Kreshmës dhe Triod me Ngjyra. Dorëshkrimi është vepër e një letrari, i cili ndoshta e ka kopjuar tekstin nga një dorëshkrim më i vjetër glagolitik. Një tipar tjetër i monumentit janë notat muzikore të sistemit të vjetër bizantin të nevmave. Apostulli i gjetur në fshatin Enina është një monument i vjetër bullgar i shekujve X-XI dhe është monumenti më i vjetër cirilik i ruajtur në territorin e Bullgarisë. Është shkruar në cirilikën e lashtë dhe përmban lexime apostolike.