Deficiti buxhetor është 18 miliardë leva (afërsisht 9 miliardë euro)

Gjendja e financave publike është jashtëzakonisht shqetësuese. Sipas ministres së financave Temenuzhka Petkova, deficiti është 18 miliardë leva, prandaj nuk parashikohen kosto për ndërtimin e infrastrukturës.

Petkova theksoi se sa më gjatë të mos ketë buxhet të rregullt aq më i madh do të jetë deficiti, prandaj duhet të hartohet sa më parë një ligj i tillë me masat përkatëse.

Më herët gjatë ditës së sotme, qeveria e re e Rosen Zheljazkovit vendosi të tërheqë nga Asambleja Kombëtare projektbuxhetin për vitin 2025, si dhe projektligjet për sigurimet shoqërore, fondin e shëndetësisë dhe paketën e ndryshimeve në ligjet tatimore të paraqitura nga qeveria e mëparshme teknike.

Në fillim të mbledhjes së parë të kabinetit të ri, kryeministri e motivoi vendimin duke thënë se duhet një vlerësim më i saktë i mundësive të buxhetit, si dhe i parashikimit buxhetor afatmesëm. Është e nevojshme të përgatitet një analizë e projekteve dhe mundësisht të bëhen ndryshime në to.