Nxënësit bullgarë garojnë për të marrë pjesë në kampet hapësinore të NASA-s

200 nxënës bullgarë nga mosha 11 deri në 15 vjeç do të mund të marrin pjesë në kampet hapësinore të NASA-s në Turqi këtë verë. Këtë e tha për Radio Varna Diljana Georgieva, menaxhere e programit Space Camp Türkiye 2025. Konkursi për pjesëmarrje është tashmë në ecje të plotë.

Space Camp Türkiye është një nga dy qendrat e trajnimit hapësinor në botë, e krijuar sipas modelit të NASA-s dhe e vetmja në Evropë, Azi dhe Lindjen e Mesme. Kampi stërvitor ndodhet në qytetin e Izmir, Turqi. Qëllimi i tij kryesor është të motivojë të rinjtë nga e gjithë bota për të ndjekur karrierën në shkencë dhe teknologji. Klasat përfshijnë trajnime në jetën reale dhe simulatorë të jetës dhe punës në hapësirë.

Bullgaria merr pjesë në program për të 17-in vit. Deri më tani, rreth 1500 fëmijë bullgarë kanë kaluar nëpër kampet në Izmir.