Taksat nuk do të rriten, kursi lev-euro nuk do të ndryshojë

Gjendja financiare e vendit dhe përgatitjet për buxhetin e këtij viti u diskutuan në mbledhjen e sotme të Këshillit të Përbashkët Menaxhues. Në një konferencë pas përfundimit të takimit, kryeministri Rosen Zheljazkov deklaroi se qeveria nuk do të rrisë barrën e sigurimeve shoqërore dhe as do të ndryshojë taksat gjatë përgatitjes së buxhetit për vitin 2025. Buxheti do të plotësojë kërkesat ligjore - deri në 40% të shpenzimeve të PBB-së dhe një deficit buxhetor jo më i lartë se 3%. Megjithatë, ai nuk specifikoi se çfarë kufizimesh do të vendosen për shpenzimet për të ruajtur deficitin prej 3 për qind. Kursi i këmbimit të levit bullgar ndaj euros është fiks dhe nuk do të ndryshojë, siguroi Zheljazkov.
 
Ndërkohë, u bë e qartë se kryeministri Rosen Zheljazkov ka shkarkuar Ljudmilla Petkova nga pozita e zëvendësministres së financave. Ajo ishte ministre e financave në dy qeveritë e përkohshme dhe në kabinetin Zheljazkov u emërua zëvendësministre. Gjatë kohës që Petkova ishte ushtruese e detyrës së ministrit të financave, dolën informacione rreth 19 miliardë leva deficit në thesar.