“Transparency International” raporton një përkeqësim të indeksit të korrupsionit

Bullgaria mbetet ndër vendet me nivele të larta të korrupsionit në sektorin publik, sipas Indeksit të Perceptimit të Korrupsionit për vitin 2024, të publikuar nga organizata joqeveritare “Transparency International”.

Bullgaria me 43 pikë indeksi është në vendin e 76-të mes 180 vendeve dhe territoreve. Krahasuar me renditjen e mëparshme, ky është një përkeqësim me dy pozicione. Ndër vendet e BE-së, perceptimi i korrupsionit është më i madh vetëm në Hungari - me 41 pikë. Danimarka kryeson sërish renditjen me 90 pikë, si vendi më i pakorruptuar. Somalia, Venezuela dhe Siria mbeten në fund - me 9, 10 dhe 12 pikë. Nivele më të ulëta të perceptimit të korrupsionit sesa Bullgaria raportohen në Rumani - në vendin e 65-të, Kroaci - në vendin e 63-të dhe në Sllovaki - në vendin e 59-të.

Si sfida për Bullgarinë  tregohen “lufta kundër mosndëshkimit, forcimi i institucioneve dhe rritja e besimit të shoqërisë ndaj qeverisë”.