Stoli i të dashuruarve dhe vende të tjera magjike për të festuar ditën e Shën Valentinit

Çdo vit më 14 shkurt, dashuria lulëzon me forcë të re! Dita e Shën Valentinit po fiton një popullaritet gjithnjë e më të madh në Bullgari duke u bërë një festë që frymëzon të dashuruarit të ndajnë momente të bukura së bashku. Traditat përfshijnë shkëmbimin e kartolinave, dhuratave dhe gjesteve romantike që simbolizojnë dashurinë midis partnerëve. Pavarësisht nëse dashuria është e re apo e krijuar ndër vite, nuk ka dhuratë më të mirë se një udhëtim i përbashkët në një vend të bukur dhe frymëzues.

Për çiftet që duan romancën buzë detit, qytetet e vjetra Nesebër dhe Sozopoll ofrojnë qetësi dhe rehati në dimër, me rrugë me kalldrëm, pamje nga deti dhe restorante të vogla me qirinj dhe verë aromatike.

Nëse preferoni qetësinë e maleve, Bozhenci është zgjedhja ideale me atmosferën e Rilindjes dhe shtëpitë e izoluara turistike. Dhe për ata që kërkojnë një pushim të plotë, kryeqyteti SPA Velingrad, ose pishinat e nxehta minerale në Sapareva Banja ofrojnë relaksim dhe ngrohtësi.

Dhe një tjetër vend i veçantë në Bullgari tërheq të dashuruarit që duan të festojnë dashurinë e tyre në mënyrë simbolike. Gergana Mançeva na çon atje me materialin e saj nga koleksioni i Radio Bullgarisë "Stoli i dashurisë afër Drjanovo - një vend për ndjenja të ndara mes natyrës".

Përpiloi: Veneta Nikollova
Përgatiti në shqip dhe publikoi: Vesella Mançeva