Një lajm i mirë – pelikani i parë i sezonit u çel pranë Tutrakanit

Pak ditë më parë, zogu i parë i pelikanit dalmat (Pelecanus crispus) i këtij sezoni u çel në zonën e mbrojtur Kalimok - Brëshlen pranë qytetit të Danubit, Tutrakan, njoftoi Shoqata Bullgare për Mbrojtjen e Zogjve "BirdLife Bulgaria". Prindërit e tij kujdesen për të në mënyrë aktive dhe me shumë emocion, ndërsa në të njëjtën kohë vazhdojnë të monitorojnë vezët e tyre të tjera. Ornitologët presin që në ditët në vijim të çelin më shumë zogj pelikani, gjë që është një shenjë pozitive për koloninë në zonë.

Momenti i lumtur i familjes së re është kapur nga kamerat e Shoqatës Bullgare për Mbrojtjen e Zogjve:

"Kalimok - Brëshlen" është një nga vendet e pakta në Bullgari ku bën fole pelikani dalmat i rrezikuar. Zogjtë më të mëdhenj shtegtarë në Evropë bëjnë fole në ishuj të izoluar në ujërat e cekëta të Danubit. Inkubacioni zgjat rreth një muaj dhe gjatë kësaj periudhe edhe të dy prindërit inkubojnë vezën me radhë. Pasi çelin, zogjtë e vegjël varen plotësisht nga kujdesi i prindërve të tyre dhe disa muaj më vonë janë gati për fluturimet e tyre të para. Në vitin 2024, 92 familje kanë bërë fole në rajonin Tutrakan, duke rezultuar në një rritje të popullsisë prej 120 zogjsh rekord.

Lexoni më tepër nga koleksioni i Radio Bullgarisë:

• Bullgaria është ndër destinacionet TOP për vëzhgimin e shpendëve në Evropë

• Një koloni e re e pelikanit të rrezikuar dalmat u shfaq pranë qytetit Burgas

Përpiloi: Veneta Nikollova
Përgatiti në shqip dhe publikoi: Vesella Mançeva