Ministria e Arsimit po përgatit futjen e edukimit fetar

Arsimi duhet t'i bëjë fëmijët jo vetëm të ditur, por edhe njerëz të mirë. Kështu tha ministri i arsimit Krasimir Vëllçev në takimin me Patriarkun e Kishës Ortodokse Bullgare Daniil.

"Ne jemi duke diskutuar futjen e orëve mësimore mbi virtytet dhe fetë," tha ministri, "Mësime të ngjashme ekzistojnë në shumicën e vendeve evropiane. Është praktikë e zakonshme që të mos ketë nota për to. Nëse kjo orë mësimi bëhet e detyrueshme, do të ketë një mundësi për të zgjedhur midis programeve të ndryshme. “Ata që nuk dëshirojnë të studiojnë fenë do të mund të zgjedhin orë mësimi ku do të mësohet etika, virtytet dhe vlerat”, shpjegoi ministri.

Patriarku Daniil tashmë është takuar në Sinod me Kryemyftiun Dr. Mustafa Haxhi. Të dy u bashkuan rreth faktit se lënda mësimore "Feja" duhet të futet në programin e rregullt të shkollave bullgare, transmetoi Agjencia Telegrafike Bullgare BTA.