Mbi gjysmë milioni bullgarë janë ndihmuar me një program evropian për të pafavorizuarit social

Në kuadër të programit europian “Ndihma ushqimore dhe materiale bazë” vitin e kaluar, mbi 550 mijë persona janë asistuar me pako ushqimore bazë dhe 9 lloje të materialeve higjienike.

Programi europian zbaton edhe operacionin “Dreka e nxehtë”, nga i cili përfitojnë afro 70 mijë persona nga 232 bashki.

Nga dhjetori i vitit të kaluar filloi edhe zbatimi i projektit “Mbështetje për më të vegjlit”. Familjet në situata të vështira ose ato ku ka rrezik nga braktisja e foshnjave të porsalindura do të marrin një paketë me gjërat më të nevojshme për një fillim të barabartë. Prindërit gjithashtu marrin konsultime shëndetësore, këshilla lidhur me punësimin, trajnimin, ose rikualifikimin.