Më 3 mars, Bullgaria feston Lirinë

Traktati i Shën Stefanit midis Rusisë dhe Perandorisë Osmane, i nënshkruar më 19 shkurt 1878 i jep fund Luftës Ruso-Turke (1877-1878). Dokumenti parashikon krijimin e një dege autonome që paguan taksa ndaj Sulltanit -  Principata e Bullgarisë.

Megjithatë, Anglia dhe Austro-Hungaria kundërshtuan traktatin paraprak të paqes dhe në korrik të të njëjtit vit u nënshkrua Traktati i Berlinit. Kështu vendi ynë u nda në pesë pjesë.

Çlirimi i Bullgarisë u festua për herë të parë në vitin 1879 në Veliko Tërnovo, kur ekzarku Antimi I - asokohe Kryetar i Kuvendit Popullor, bëri një shërbim përkujtimor në kishën e "Shën Marisë" në prani të deputetëve dhe qytetarëve. Që nga viti 1888 festohet si Dita e Çlirimit të Bullgarisë nga pushtimi osman.

Më 3 mars qytetarët vendosin lule në monumentin e ushtarëve që dhanë jetën e tyre për çlirimin e Bullgarisë, njerëzit përulen para dëshmorëve dhe dërgojnë lutje falënderimi.

• Për 3 marsin si festë kombëtare dhe si një fillim i ri

• 3 marsi – Dita e Çlirimit
  

Përpiloi: Diana Cankova

Foto: arkiva

Përgatiti në shqip dhe publikoi: Kostandina Bello