Artikull
Shkencëtarët bullgarë i kushtojnë një konferencë ujit si një burim natyror i paçmuar
Dielë 16 Mars 2025 06:30
Dielë, 16 Mars 2025, 06:30
FOTO: climate.ec.europa.eu
Madhësia e shkronjave
Instituti mbi Kërkimin e Klimës, Atmosferës dhe Ujit pranë Akademisë Bullgare të Shkencave (IIKAV-BAN) po organizon një konferencë dhe një ngjarje ceremoniale kushtuar ujit - një burim natyror i paçmuar, një komponent i domosdoshëm i të gjithë organizmave dhe mjedisit jetësor, por edhe një gjenerues i ngjarjeve ekstreme si stuhi, breshër dhe përmbytje. Arsyeja janë tre ditë ndërkombëtare - e akullnajave (21 mars), e ujit (22 mars) dhe meteorologjisë (23 mars).
Река Дунав край о-в Белене
FOTO: wwf.mg
Forumi përfshin edhe një ngjarje zyrtare nën kujdesin e UNESCO-s dhe Organizatës Botërore Meteorologjike, e cila do të transmetohet drejtpërdrejt online, transmeton BTA. Më 21 mars, në Sallën e Madhe të Akademisë Bullgare të Shkencave (Sheshi Narodno Sëbranie në Sofje), drejtori i IIKAV-BAN, Prof. Ekaterina Baçvarova dhe Prof. Bojan Kullov do të prezantojë ide novatore për restaurimin e zonave ujore përgjatë lumit Danub në kuadër të projektit evropian DaWetRest. Për burimet ujore të Bullgarisë dhe krizën aktuale të ujit do të flasë Prof. Emill Burnazki. Ndërsa Prof. Emill Gaçev nga IIKAV-BAN do të prezantojë një film për hulumtimin e tij mbi akullnajat e vogla që po zhduken në malet e Evropës Juglindore.
Микроледник „Снежника“ на фона на връх Вихрен
FOTO: личен архив на доц. Емил Гачев
Ngjarja është lirisht e aksesueshme për të gjithë, dhe një kuiz me pyetje interesante nga fusha e ujit do të organizohet për vizitorët në vend.
Përpiluan: Cvetana Tonçeva dhe Elena Karkallanova
Foto: climate.ec.europa.eu, wwf.mg, arkiva personale e Prof. Asoc. Emill Gaçev, BGNES
Përgatiti në shqip dhe publikoi: Kostandina Bello