Rreth 700 000 bullgarë me aftësi të kufizuara kanë nevojë për mbështetje

Janë rreth 700 mijë persona me shkallë të ndryshme aftësie të kufizuara që kanë nevojë për shërbime dhe mbështetje të ndryshme sociale. Këtë e ka bërë të ditur ministri i punës dhe politikës sociale Borisllav Gucanov në Qendrën për rehabilitim social dhe integrim “Shën Joani i Rillës” në fshatin Gorna Malina, ku ka marrë pjesë në shënimin e Ditës së Punës Sociale. Sipas Gucanovit, duhet të sigurohen më shumë vende pune për njerëzit me probleme të tilla, si dhe pensione më të larta. U tha se në vend ka mbi 3 mijë shërbime sociale, të cilat i përdorin rreth 175 mijë bullgarë.

Gucanov vuri në dukje gjithashtu rolin e kishës në mbështetjen e të pambrojturve. Qendra "Shën Joani i Rillës" u krijua me iniciativën e Shoqatës së Kishës Ortodokse Bullgare. Në këtë qendër aktualisht janë 136 fëmijë me nevoja të veçanta arsimore dhe në një tjetër qendër të tillë në komunën e Elin Pelinit ka 263 fëmijë.