“Shpëto Sofjen” del nga koalicioni për qeverisjen e Sofjes

Lideri i "Shpëto Sofjen" Boris Bonev njoftoi në një konferencë se partia politike rajonale po ia heq besimin kryetarit të kryeqytetit Vasill Terziev. “Shpëto Sofjen" po largohet edhe nga koalicioni me “Po e vazhdojmë ndryshimin – “Bullgaria Demokratike” (PP-DB) në Bashkinë e Sofjes. Ilijan Pavllov, nënkryetari i bashkisë nga formacioni, përgjegjës për transportin dhe lëvizjen urbane, jep dorëheqjen.

"Administrata e Sofjes nuk ka një vizion të qartë dhe qëllime të qarta. Njerëzit prisnin ndryshim, por ata morën një zëvendësim," tha Bonev, duke shtuar se "qeverisjes së kryeqytetit i mungon lidershipi." Sipas tij, durimi i partisë u shterua pak ditë më parë me zgjedhjen e kryearkitektes së re të Sofjes, Bogdana Panajotovës. “Është emëruar një kryearkitekte e dyshimtë, e cila ka dëshmuar se favorizon ndërtimin e tepërt dhe buxheti i paraqitur për vitin 2025 injoron plotësisht investimet në lagje”, theksoi Bonev. Ai premtoi se “Shpëto Sofjen”, pavarësisht largimit nga qeverisja, do të vazhdojë të mbështesë politikat me të cilat është dakord.

Në zgjedhjet lokale të 29 tetorit 2023 “Shpëto Sofjen” doli në koalicion me PP-DB. Zgjedhjet e ardhshme lokale në Bullgari janë në vitin 2027.