Ish-ministri i brendshëm Ivan Demerxhiev akuzohet për keqmenaxhim

Prokuroria e Qytetit të Sofjes ka ngritur akuzë ndaj ish-ministrit të brendshëm në detyrë Ivan Demerxhiev për keqmenaxhim. Ky është një aneks i kontratës për ndërtimin e sistemit për dokumente të reja personale, të nënshkruar nga Demerxhiev në verën e vitit 2023. Marrëveshja shtesë i jep kontraktorit edhe 1.4 milion leva (720 mijë euro). Sipas prokurorisë, shuma është dhënë në shkelje të Ligjit të Prokurimit Publik. Presidenti Rumen Radev, i cili kishte emëruar kabinetin teknik, i përshkroi akuzat e prokurorisë si një sulm dhe deklaroi se mbetet për t’u parë nëse kjo është një çështje larjeje hesapesh. Sipas fjalëve të tij, dokumentet e kontratës, me këmbënguljen e tij, janë kontrolluar paraprakisht nga Agjencia e Prokurimit Publik.