Biznesi polak dëshiron autostrada dhe ura të reja për të lidhur Bullgarinë me Rumaninë

Perspektivat për nxitjen e shkëmbimeve ekonomike dhe investimeve midis Bullgarisë dhe Polonisë, u diskutuan nga presidenti Rumen Radev në një takim me përfaqësues të Dhomës së Tregtisë Polako-Bullgare. Rumen Radev theksoi rëndësinë e turizmit detar, malor, kulturor, ski dhe spa për zhvillimin e marrëdhënieve midis Bullgarisë dhe Polonisë, pasi në vitin 2024 vendin tonë e vizituan më shumë se 430 mijë turistë polakë. Kreu i shtetit theksoi vendndodhjen strategjike të Bullgarisë, sistemin e qëndrueshëm bankar, zhvillimin e shpejtë të teknologjive të larta, robotikës, mekatronikës, zonave industriale dhe politikës së favorshme tatimore.

Përfaqësuesit e biznesit kërkuan zhvillimin e lidhjeve të transportit në drejtimin Veri-Jug, duke përfshirë ndërtimin e autostradave dhe urave mbi lumin Danub midis Bullgarisë dhe Rumanisë. Më 29 prill Radev do të marrë pjesë në takimin e formatit “Tre detet”.