Një delegacion bullgar është në Malin Athos për festën patronale të Manastirit të Zografit

Igumeni i sapozgjedhur i Manastirit bullgar të Zografit në Malin Athos, Gavriil, u ngrit nga hieromonaku në arkimandrit në festën e Shën Gjergjit. Kjo u njoftua nga Sekretari i Përgjithshëm i Sinodit të Shenjtë të Kishës Ortodokse Bullgare, Peshkopi Gerasim i Mellnikut, i cili drejtoi shërbesat për festën e shenjtorit mbrojtës të manastirit, Shën Gjergjit. Arkimandriti Gavriil do të kurorëzohet si igumeni i ri më 11 maj.

Në emër të delegacionit bullgar në Malin Athos, zëvendëskryeministri Atanas Zafirov i dhuroi igumenit të sapozgjedhur Gavriil një kryq arkimandriti. Përpara ceremonisë, pati një liturgji me ikonën mrekullibërëse të Shën Gjergjit dhe një vigjilje 24 orë në tempullin e manastirit. Këndimet u interpretuan nga kori "Shën Naum Ohridski" nga Sofja.

Gjatë vizitës, përveç takimit me udhëheqjen shpirtërore të Malit Athos, delegacioni bullgar vizitoi me shumë interes bibliotekën e pasur të Manastirit të Zografit.

Lexoni më tepër nga koleksioni i Radio Bullgarisë:

• Arkivi i manastirit bullgar në Malin e Shenjtë fsheh sekrete të shumta për shkencëtarët

Foto: Patriarkana Bullgare, BTA