Enjte 22 Maj 2025 07:43
Enjte, 22 Maj 2025, 07:43
FOTO: arkiv
Madhësia e shkronjave
Sindikata e Specialistëve Mjekësorë Bullgarë deklaroi gatishmërinë për veprime proteste dhe një grevë efektive, siç duket qartë nga një qëndrim i postuar në Facebook drejtuar kryeministrit, ministrave të financave dhe shëndetësisë, avokatit të popullit dhe të gjitha grupeve parlamentare. Profesionistët mjekësorë janë të gatshëm për veprime ekstreme për shkak të krizës së rëndë dhe të lënë pas dore prej kohësh në sistemin e kujdesit shëndetësor, të shkaktuar nga mungesa sistematike e fondeve dhe zhvlerësimi i punës së tyre. Ata kërkojnë që pagat e tyre të rriten në të paktën 150% të pagës mesatare për vendin, në përputhje me kualifikimet dhe përgjegjësinë profesionale. “Është e papranueshme që shteti të sigurojë fonde për rritje të pagave vetëm në sektorë të caktuar - arsim dhe Ministrinë e Brendshme, duke injoruar sistematikisht kujdesin shëndetësor”, thuhet në qëndrim. Specialistët mjekësorë theksojnë se meqenëse qeveria ka gjetur 15 milionë leva për të përditësuar pagat e punonjësve të transportit publik, "kjo tregon qartë se kur ka vullnet politik, ka edhe burime financiare".
Redaktoi: Diana Cankova
Përgatiti në shqip dhe publikoi: Svetllana Dimitrova
Foto: arkiv
Publikoi / Publikuan: БНР екип