"Shtegu i Librit" viziton Gabrovon

Qyteti i Gabrovos po pret panairin udhëtues të librit "Shtegu i Librit". Eventi do të mbahet nga 12 deri më 15 qershor në zonën qendrore të këmbësorëve të qytetit, ku pesë tenda ekspozite do të paraqesin prodhimin e 16 shtëpive botuese bullgare. Vizitorët do të kenë mundësinë të njihen me tituj të rinj dhe të takojnë autorë, njofton Shoqata “Libri Bullgar”.

Hapja zyrtare është sonte në orën 17:30 me pjesëmarrjen e Orkestrës së Gabrovos. Po atë mbrëmje në orën 18:00 do të ketë një takim me shkrimtarin Georgi Bërdarov,  fitues i Çmimit Evropian për Letërsi 2021 për romanin e tij “Аbsolvo te”.

Eventi mbahet me mbështetjen e Bashkisë së Gabrovos dhe është pjesë e misionit të Shoqatës “Libri Bullgar” për të promovuar leximin dhe për të mbështetur botimin e librave.