Për të katërtin vit në Shqipëri – Shkolla Verore e Gjuhës Bullgare

Nga data 1 deri më 25 korrik, për herë të katërt në kryeqytetin shqiptar, Tiranë, do të zhvillohet “Shkolla Verore e Gjuhës Bullgare”. Organizator është Departamenti i Gjuhëve Sllave dhe Ballkanike në Fakultetin e Gjuhëve të Huaja pranë Universitetit të Tiranës, në bashkëpunim me Universitetin “Shën Kirill dhe Metodij” në Veliko Tërnovo dhe programin evropian “Erasmus+”.

Shkolla Verore e Gjuhës Bullgare është e dedikuar për nxënësit dhe studentët që janë të interesuar të mësojnë gjuhën bullgare në nivelet nga A1 deri në B2, informon Universiteti i Tiranës dhe thekson përfitimet nga pjesëmarrja:

• Ofrimi i kurseve gjuhësore me pedagogë të specializuar;
• Mundësi për të njohur kulturën, letërsinë dhe historinë bullgare;
• Mundësi për të zgjeruar kompetencat gjuhësore dhe për të fituar një certifikatë ndërkombëtare në fund të shkollës.

Afati i fundit për aplikim në Shkollën Verore të Gjuhës Bullgare në Tiranë është data 29 qershor 2025. Aplikimet pranohen në emailin e profesorit të gjuhës, letërsisë dhe kulturës bullgare në Tiranë, Raqi Bello – rbelo@abv.bg, ose në numrat e telefonit: +355 69 237 6909; +355 69 8420174.