Artikull
Parashikimi i motit për 20 qershorin 2025
Temperaturat do të bien, priten reshje dhe në disa zona ekziston rrezik për breshër
Enjte 19 Qershor 2025 16:35
Enjte, 19 Qershor 2025, 16:35
FOTO: BTA
Madhësia e shkronjave
Të premten, temperaturat minimale do të jenë nga 15 deri në 21°C. Në Sofje priten rreth 17°C. Para mesditës moti do të jetë me diell. Rreth dhe pas mesditës do të zhvillohet vranësirë grumbulluese. Në shumë zona, kryesisht në Bullgarinë Jugore dhe Lindore, do të ketë reshje të shkurtra shiu dhe stuhi me bubullima. Ekziston mundësia për breshër. Do të fryjë erë nga veriperëndimi, në rajonet lindore nga verilindja, që përkohësisht do të forcohet dhe do të sjellë ajër më të freskët. Temperaturat maksimale do të jenë ndërmjet 29 dhe 34°C, në kryeqytet rreth 29°C.
Në male moti do të jetë kryesisht me diell. Rreth dhe pas mesditës do të zhvillohen vranësira dhe në shumë zona do të ketë reshje të shkurtra shiu dhe stuhi me bubullima. Ekziston rrezik për breshër. Do të fryjë erë mesatare deri e fortë nga veriu-veriperëndimi. Temperatura maksimale në lartësi prej 1200 metrash do të jetë rreth 23°C, ndërsa në 2000 metra – rreth 14°C.
Në bregdetin e Detit të Zi, në vende të veçanta do të ketë reshje shiu dhe bubullima. Do të fryjë erë mesatare nga verilindja, e cila do të dobësohet dhe më vonë do të orientohet nga lindja-juglindja. Temperaturat maksimale të ajrit do të jenë nga 24 deri në 29°C. Temperatura e ujit të detit është 22-23°C. Dallgëzimi i detit do të jetë 2-3 ballë.
Të shtunën, do të ketë dhe intervale me diell, por do të zhvillohen vranësira grumbulluese. Në disa rajone të Bullgarisë Qendrore dhe në malin Stara Pllanina do të ketë reshje të shoqëruara me bubullima.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: BTA
Publikoi / Publikuan: БНР екип