Radio Bullgaria
bg
en
de
ru
fr
es
sr
el
sq
tr
ro
Artikull
"Xhazi nën yje" në Pllajën Devetashko: Muzikë, natyrë dhe magji për herë të njëmbëdhjetë
Shtunë 28 Qershor 2025 08:20
Shtunë, 28 Qershor 2025, 08:20
Foto: Xhazi nën yje në Pllajën Devetashko (arkiv)
Madhësia e shkronjave
Nga 27 deri më 29 qershor, Pllaja Devetashko dhe fshatrat e rajonit janë shndërruar në skenën e festivalit "Xhazi nën Yje". Edicioni i njëmbëdhjetë i një prej ngjarjeve muzikore më poetike në vendin tonë filloi të premten në mbrëmje, 27 qershor, në Mullirin e Vjetër në fshatin Kërpaçevo me një koncert nga Angell Zaberski Trio, i ndjekur nga një jam sesion me Vasill Spasov dhe muzikantët e tij.
Më 28 qershor, ngjarjet zhvillohen paralelisht në disa skena. Kulmi i vërtetë, megjithatë, do të vijë në mbrëmje pranë shpellës Garvanica - një sallë akustike natyrore që organizatorët e përshkruajnë si "zemra e festivalit". Do të ketë një procesion Dixieland, si dhe një koncert të madh me disa nga muzikantët tanë më të famshëm të xhazit.
29 qershori, dita e fundit, i kushtohet fëmijëve me "Xhaz për Fëmijë". Festivali, i organizuar nga Shoqata e Pllajës Devetashko, është falas dhe i hapur për të gjithë. Brenda 11 vitesh, eventi ka arritur ta bëjë rajonin një destinacion turistik dhe vizitat janë rritur nga zeroja në mbi 200 000 në vit, thonë organizatorët.
FOTO: Facebook /Jazz под звездите на Деветашкото плато (архив)
Lexoni më tepër në arkivin e Radio Bullgarisë:
Përpiloi: Veneta Nikollova
Përgatiti në shqip dhe publikoi: Vesella Mançeva
Foto: Facebook/Foto: Xhazi nën yje në Pllajën Devetashko (arkiv)