Maqedonia e Veriut po e ndalon vetveten në rrugën drejt BE, tha presidenti Radev në Zagreb:

"Maqedonia e Veriut po e ndalon vetë rrugën e saj drejt Bashkimit Evropian, sepse nuk dëshiron të përmbushë kriteret për anëtarësim," tha presidenti Rumen Radev në Zagreb gjatë një konference të përbashkët për shtyp me homologun e tij, Zoran Milanoviç. Radev theksoi se Bullgaria nuk do të tërhiqet nga mbrojtja e të drejtave të bullgarëve që jetojnë në ish-republikën jugosllave. “Ende jemi në pritje që Maqedonia e Veriut të përmbushë një kusht të qartë dhe të shkruar – një kusht që do të hapte rrugën për fillimin e negociatave. E ky është garantimi i barazisë së bullgarëve në atë vend, përmes përfshirjes së tyre në kushtetutë, krah për krah me popujt e tjerë themelues të shtetit.” U kemi dërguar mesazhe institucioneve evropiane dhe liderëve të shteteve anëtare se ne nuk po vendosim asnjë kusht të ri përtej atyre që tashmë janë rënë dakord, por këmbëngulim që çdo gjë e dakorduar të respektohet." Këtë e transmetoi nga Zagrebi e dërguara speciale e Radios Kombëtare Bullgare (BNR), Mira Stefanova.