Universiteti i Ruses mori ndërtesën e degës së tij në Taraklia

Dega e Universitetit të Ruses "Angell Kënçev", e cila u hap në qytetin moldavian Taraklia këtë vit, mori zyrtarisht ndërtesën e ish-Universitetit të Taraklias. Marrëveshja për këtë qëllim u nënshkrua nga ministrat e arsimit të Bullgarisë dhe Moldavisë Krasimir Vëllçev dhe Dan Perçun, në prani të Kryeministrit bullgar Rosen Zheljazkov dhe Kryeministrit moldavian Dorin Reçan.

Vëllçev vuri në dukje se Universiteti i Ruses është ndër institucionet kryesore evropiane të arsimit të lartë, i cili merr pjesë në më shumë projekte evropiane dhe në Rrjetin Evropian të Universiteteve. Vetëm një muaj e gjysmë pas hapjes së tij, numri i studentëve të regjistruar në degën e Universitetit të Ruses tashmë tejkalon 200.

Vizita e Kryeministrit Rosen Zheljazkov në Moldavi vazhdon më 28 korrik me takime me Presidenten Maja Sandu dhe Kryetarin e Parlamentit Igor Grosu. Zheljazkov do të vendosë një kurorë në monumentin e Stefanit të Madh.