Grupi KBC ka rritur parashikimin e tij për rritjen ekonomike të Bullgarisë

Grupi KBC pret që ekonomia bullgare të rritet pak më shumë vitin e ardhshëm sesa në parashikimet e mëparshme, sipas përfundimeve të vlerësimeve të fundit të grupit financiar belg për ekonomitë e Evropës Qendrore dhe Lindore.

Sipas raportit financiar, rritja jonë ekonomike është e qëndrueshme, kryesisht për shkak të kërkesës së brendshme dhe e mbështetur nga momenti i miratimit të pritur të euros si monedhë kombëtare.

Ekspertët parashikojnë që në vitin 2026 produkti i brendshëm bruto (PBB) do të rritet me 2.7% krahasuar me parashikimet e tij të mëparshme për rritje prej 2.6%. Sa i përket vitit aktual, Grupi KBC pret që PBB-ja të rritet me 3%. Grupi belg parashikon gjithashtu që shkalla e rritjes së çmimeve do të mbetet e lartë dhe se inflacioni mesatar vitin e ardhshëm do të jetë rreth 3.4% krahasuar me 3.5% këtë vit.

"Sofja është nën presion për të shtrënguar politikën e saj fiskale për të menaxhuar rreziqet e mbinxehjes së ekonomisë", theksojnë ekspertët. Sipas tyre, deficiti buxhetor i vendit tonë do të rritet në 4.2% të PBB-së në vitin 2026 krahasuar me 3% këtë vit, raporton BTA.

 

Redaktoi: Diana Cankova

Përgatiti në shqip: Vesella Mançeva

Foto: EPA/BGNES