U zbulua një rrjet kriminal për kontrabandë dhe trafikim me vlerë miliona euro

Një rrjet i madh kriminal për trafikim të vlerave kulturore dhe pastrim parash është shkatërruar nga Prokuroria Bullgare, Drejtoria e Përgjithshme për Luftimin e Kriminalitetit të Organizuarpranë Ministrisë së Punëve të Brendshme të Republikës së Bullgarisë, Europoli dhe Karabinierët Italianë, raportoi BGNES. Operacioni u krye në territorin e tetë vendeve evropiane, përfshirë Bullgarinë.

"Aksioni nuk ka mbaruar ende, mbi 220 oficerë të Drejtorisë së Përgjithshme për Luftimin e Kriminalitetit të Organizuar janë në terren duke kontrolluar shtëpi, zyra dhe kasaforta", tha drejtori i Drejtorisë së Përgjithshme, Bojan Raev. Sipas tij, u kryen 131 kontrolle në 30 orë dhe u arrestuan 35 persona. Janë gjetur mijëra vlera kulturore dhe historike, të cilat janë vazhdimisht në rritje, dhe janë identifikuar gjithashtu mbi 50 armë zjarri dhe eksplozivë.

Vlera totale e sendeve të gjetura në tregun e zi është mbi 100 milionë euro, dhe transaksionet e regjistruara që lidhen me këtë aktivitet janë mbi 1 miliard dollarë amerikanë, tha zëvendës Prokurori i Qytetit të Sofjes Angell Kënev.

Redaktoi: Diana Cankova

Përgatiti në shqip: Vesella Mançeva

Foto: BGNES