4 medalje ari dhe 4 argjendi për nxënësit bullgarë nga Olimpiada e Gjuhës Angleze

Ekipi bullgar u kthye nga Olimpiada Ndërkombëtare e Gjuhës Angleze (IELO), e cila u zhvillua në Rumani, me katër medalje ari dhe katër argjendi. Nxënësit tanë fituan gjithashtu dy diploma nderi për performancë individuale, njoftoi qendra e shtypit e Ministrisë së Arsimit dhe Shkencës, e cituar nga BTA.

Mbi 150 pjesëmarrës nga 12 vende morën pjesë në edicionin e këtij viti të Olimpiadës. Pjesëmarrësit garuan në dy kategori: individuale dhe ekipore - në nivelet B1, B2 dhe C1.

Olimpiada Ndërkombëtare e Gjuhës Angleze organizohet për të tretin vit radhazi. Bullgaria ka marrë pjesë që nga fillimi dhe ka arritur suksese të mëdha.