Një bullgare besarabe do të përfaqësojë Ukrainën në “Miss Earth 2025”

Bullgarja besarabe nga Bollgrad Maria Zheljaskova do të përfaqësojë Ukrainën në “Miss Earth 2025”(“Miss Toka” 2025), njoftoi Agjencia Ekzekutive për Bullgarët Jashtë Shtetit. Konkursi do të mbahet në nëntor në Filipine. Përveç bukurisë femërore, ai është i fokusuar edhe në mbrojtjen e mjedisit.

"Është një nder i madh për mua të përfaqësoj Ukrainën në konkursin “Miss Earth” këtë vit. Gjithmonë kam ëndërruar ta përjetoj këtë moment dhe tani është bërë realitet. Rritja e ndërgjegjësimit për çështjet mjedisore është një temë që është shumë afër zemrës sime, si dhe bamirësia dhe ndihma ndaj të tjerëve. Jam sinqerisht mirënjohëse për fjalët e mira dhe mbështetjen dhe mezi pres të takoj të gjithë në Filipine", shkroi Maria në rrjetet sociale.

Ajo u diplomua në Fakultetin e Dizajnit, Arkitekturës dhe Artit të Universitetit Ndërkombëtar Humanitar në Odesë, ku studioi art audiovizual. Gjatë viteve të fundit, vajza ka fituar tituj të ndryshëm në konkurse prestigjioze. Në vitin 2024, ajo fitoi konkursin "Miss Odesa", dhe menjëherë pas kësaj, konkursin kombëtar të bukurisë "Miss Ukraina 2024" në nominimin "Miss Earth Ukraina" (“Miss Toka Ukraina”).

• Komuniteti bullgar feston 200 vjetorin e Bollgradit

• Gjimnazi bullgar në Bollgrad feston 160 vjet nga krijimi i vet

• Dita e bullgarëve të Besarabisë është festë e shpirtit bullgar

• Bullgarët e Besarabisë e njohin Bullgarinë prej legjendave dhe gojëdhënave dhe jetojnë me nostalgji për mëmëdheun e vet

• Elisaveta Bellobradova për magnetizmin e Besarabisë dhe për bullgarët në këto troje

• Fotografja Mihaella Arojo: Është e rëndësishme të njohim historinë e bullgarëve të Besarabisë

Për bullgarët besarabë në Brazil: