95-vjetori i lindjes së kampionit të parë olimpik bullgar

Më 11 shtator 1930, në fshatin Tvërdica të rrethit të Burgasit, lindi Nikolla Stançev Nikollov – mundës në stilin klasik dhe të lirë.

Në Lojërat Olimpike të vitit 1956 në Melburn, ai fitoi medaljen e parë të artë olimpike për Bullgarinë, në kategorinë deri në 79 kg në stilin e lirë. Ai mundi Georgi Shirtllaxe (BRSS), por humbi nga Kacuramoto (Japoni). Me 5 pikë ndëshkimi, ai duhej t’i fitonte të gjitha ndeshjet e mbetura vetëm me tush. Dhe ia doli: mposhti me tush Shter (Gjermani), Lindbllad (Suedi), dhe në finale Hox (SHBA).

Nikolla Stançev është kampioni i parë olimpik i Bullgarisë, dhe falë tij, himni bullgar u dëgjua për herë të parë në një podium olimpik. Pas karrierës si sportist, ai punoi gjatë si trajner. Ndërroi jetë më 13 korrik 2009.