Panagjurishte mirëpret origjinalin e Thesarit të Artë të Panagjurishtes

Më 16 shtator, Muzeu Historik në Panagjurishte do të mirëpresë origjinalin e Thesarit të Artë të Panagjurishtes. Ky thesar unik do të ekspozohet në sallën e kasafortës së kompleksit të muzeut. Deri më 23 tetor, banorët e Panagjurishtes dhe mysafirët e qytetit do të kenë mundësinë të shijojnë format e mrekullueshme të nëntë enëve të arta, raporton muzeu.

Thesari u zbulua rastësisht në vitin 1949 në rajonin e Panagjurishtes (Bullgaria Qendrore) në një thellësi prej 2.20 metrash nga punëtorët që po gërmonin argjilë për tulla. Ai përbëhet nga nëntë enë: një shishe dhe tetë ritonë (enët për të pirë verë). Të gjitha enët janë punuar në mënyrë të shkëlqyer nga argjendarë me aftësi të mëdha teknologjike, të cilët kanë kombinuar motivet helene dhe teknikat stilistike me ato trake dhe akemenide.

Lexoni më shumë në arkivin e Radio Bullgarisë: