Ka para për të zgjidhur krizën e ujit, nevojitet koordinim, tha Kryeministri Rosen Zheljazkov

Problemi i ujit në vitet e fundit jo vetëm që nuk është zgjidhur, por është përkeqësuar edhe nga mungesa e veprimeve të koordinuara midis institucioneve, shtetit dhe bashkive. Me këto fjalë, Kryeministri Rosen Zheljazkov hapi takimin e parë të Bordit Kombëtar të Ujit, raportoi BGNES.

Ai i bëri thirrje bordit të koordinojë një qasje të integruar ndaj menaxhimit të ujit dhe theksoi se justifikimet se nuk ka para janë të pabaza. "Ka para dhe ato duhet të menaxhohen me ndershmëri, drejtësi dhe nën mbikëqyrjen e shoqërisë", theksoi Zheljazkov.

Duke folur para studentëve në Sofje, me rastin e votimit të ardhshëm të mosbesimit ndaj qeverisë në parlament, Kryeministri tha se stabiliteti politik dhe parashikueshmëria janë i vetmi mjedis në të cilin ekonomia dhe shteti mund të funksionojnë normalisht.

Lexoni më tepër në arkivin e Radio Bullgarisë:

• Më shumë se një çerek milioni njerëz në Bullgari janë pa ujë – shkaqet dhe zgjidhjet e krizës

• Klimatologu Prof. Georgi Raçev: Ka ujë, por shteti nuk po e menaxhon siç duhet resursin

Redaktoi: Ivo Ivanov Përgatiti në shqip dhe publikoi: Vesella Mançeva